Opposition parties renaissance

10 May

መላው ኢትዮጵያ አንድነት ድርጅት (መኢአድ)፣ አንድነት ለዴሞክራሲና ለፍትህ (አንድነት) እና ብርሃን ለአንድነት የተባሉት አገር አቀፍ ፓርቲዎች በቅርቡ የሦስትዮሽ የውህደት ስብሰባ አካሂደው አንድ ውህድ ፓርቲ ሊመሠርቱ ተቃርበዋል፡፡ እስካሁንም ውህደቱ የዘገየው ፓርቲዎቹ በጋራ ፕሮግራማቸው ባለመስማማት ሳይሆን መኢአድ ጠቅላላ ጉባዔውን ሲያካሂድ በነበረበት የሥራ መደራረብና ጫና እንዲሁም ከዚያ በኋላ ደግሞ ፓርቲው ውስጥ በተፈጠረ የአመራር አባላት አለመግባባት የተነሳ ነበር።
ከሦስት ሣምንት በፊት የመኢአድ ሥራ አስፈፃሚ ድርድሩ እንዲቀጥል አመራሮቹን መርጦ በመላኩ በሣምንት ለሁለት ቀናት ሰኞ እና ሃሙስ በቋሚነት መደበኛ ስብሰባ በማድረግ በመነጋገር ላይ እንገኛለን ብለዋል የፓርቲው ምንጮች። “ብዙ ነገሮች ወደ ፊት በመራመዳቸው በቅርቡ የሦስትዮሽ የውህደት ስብሰባ ለመጀመር በዝግጅት ላይ እንገኛለን” ብለውናል፡፡
እስከ አሁን ከአንድነት ለዴሞክራሲና ለፍትህ (አንድነት) ፓርቲ ጋር 10 ጊዜ ያህል የውህደት የሁለትዮሽ ስብሰባ ተደርጎ በብዙ ነገሮች ላይ ከስምምነት ተደርጓል። አንድ የመኢአድ ፓርቲ አመራር አባል ለሪፖርተራችን እንደተናገሩት እስከ አሁን በመኢአድና በአንድነት ፓርቲ መካከል አልታረቅ ብሎ ያስቸገረው ነጥብ ሁለቱ ፓርቲዎች ከብሄር ድርጅቶች ጋር በህብረትና በውህደት አብሮ ስለመሥራት የያዙት የተለያየ አቋም ነው ብለውናል፡፡

መኢአድ የህብረ- ብሄር እና የብሄር የፖለቲካ ድርጅቶች ህብረትና ቅንጅት ከመመሥረት ይልቅ መጀመሪያ ጥርት ያለ የጋራ የትግል አጀንዳ ይዘው ወደ አንድ ውህድ ፓርቲነት መለወጥ መቻል አለባቸው ብሎ ያምናል። እንደ ህብረትና ቅንጅት የፓርቲዎች ስብስብ ውጤት አያመጣም በማለት ከብሄር ድርጅቶች ጋር መሥራት ለዘለቄታው አስቸጋሪ ነው የሚል አቋም አለው።

አንድነት ፓርቲ በበኩሉ ደግሞ የህብረ- ብሄርና የብሄር ድርጅቶች ልዩነታቸውን አቻችለው በህብረት አንድ ላይ መሥራታቸው አሁን በኢትዮጵያ ላለው የፖለቲካ ኃይል አሰላለፍና የገዢውን ፓርቲ ኢህአዴግ ጉልበት ለመቋቋም ልዩነቶችን በማቻቻል ውጤት ማምጣት ይቻላል በሚል የየራሳቸውን አቋም በመውሰዳቸው ሁለቱም ፓርቲዎች የስብሰባ ቃለ- ጉባዔያቸውን ለሥራ አስፈፃሚ ኮሚቴዎቻቸው ለማሳየት ተዘጋጅተዋል ብለውናል፡፡

ቀደም ሲል መኢአድ ከብርሃን ለአንድነት ጋር ባደረገው የሁለትዮሽ ስብሰባ ለድርድር በሚሆኑ ነጥቦች ላይ ፓርቲዎቹ ተወያይተው በመጨረሳቸው በተናጥል ፓርቲዎቹ የተነጋገሩበትን ቃለ-ጉባዔ ተለዋውጠው እየተመለከቱ ነው። እንደ ምንጮች ገለጻ ፓርቲዎቹ አሁን የሚቀራቸው ሰሞኑን የሁለትዮሽ ስምምነታቸውን በፊርማ ማጽደቅና መኢአድ ከአንድነት ፓርቲ ጋር እያደረገ ያለውን የሁለትዮሽ ስብሰባ አጠናቆ ወደ ሦስትዮሽ የስምምነት ማዕቀፍ ማምራት ይሆናል ብለውናል፡፡
የውህደቱን ቀን በተመለከተ ፓርቲዎቹ በተናጥል ለብዙሃን መገናኛ እንዳይናገሩ የሥነ-ምግባር መመሪያቸው እንደሚከለክል ገልጸው በቅርቡ ግን ሦስቱም ፓርቲዎች አንድ ላይ ሆነን ብዙሃን መገናኛን ጠርተን ውህደቱን ይፋ እናደርጋለን ሲሉ የፓርቲዎቹ አመራር አባላት ተናግረዋል፡፡

ይህ በእንዲህ እያለ አብዛኞቹ የመኢአድ ሪጅናል ዞኖች አባላት መኢአድ ከአንድነት እና ከብርሃን ለአንድነት ጋር የሚያደርገው ውህደት እንዲፋጠን ከዚህ በፊት በጠቅላላ ጉባዔው ላይ በሙሉ ድምጽ የወሰኑ ሲሆን ሰሞኑን ደግሞ ለፓርቲያቸው ደብዳቤ በመጻፍ ውህደቱ እንዲፋጠን ተጽዕኖ እያሳደሩ መሆኑን ከፓርቲው ያገኘነው መረጃ ያመለክታል፡፡

Source:AN-online.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: